Skagafjöršur.com

Skagafjöršur.com
Skagafjörður.com
Skagafjöršur.com - RSS
VEŠUR ..0
Vešurstofa Ķslands
Hraun : 0 0°C
Bergstaðir : 0 0°C
Sauðanesv. : 0 0°C
Reykjavík : 0 0°C
Nautabú : 0 0°C
Akureyri : 0 0°C
Blönduós : 0 0°C
Vegageršin
Þverárfjall 15:40 SV 4  9 °C
Vatnsskarð 15:50 SSV 5  9 °C
Öxnadalsh. 16:00 SA 0  8 °C
Siglufjarðv. 16:00 Logn 0  12 °C
Víkurskarð 16:00 ASA 4  6 °C
Holtavörðuh. 15:50 SSA 10  7 °C
Hafnarfjall 15:50 A 3  11 °C
Steingrímsfjh. 16:00 A 3  5 °C
VegagerðinVestfirðirNorðurlandNorðausturlandVesturlandAllt landiðMiðausturlandSuðvesturlandSuðurlandSuðausturland
PISTLAR
09. júlí 2009 - kl. 16:31
Ráðherra ber að taka vannýttar tegundir úr kvóta án tafar
Þórður Már Jónsson skrifar
::Lesa
08. júlí 2009 - kl. 16:11
Að halda áfram
Sigurður Árnason skrifar
::Lesa
08. júlí 2009 - kl. 11:54
Meirihlutinn bókar uppgjöf
Gísli Gunnarsson skrifar
::Lesa
08. júlí 2009 - kl. 10:06
Á sjó með Málmey - 6. veiðiferð ársins 2009
Gústi Mar skrifar
::Lesa

Fasteignasala Saušįrkróks

Gunnar Bragi

Nafn:
Gunnar Bragi Sveinsson.        
Árgangur: 1968 (hélt lengi að ég væri af 68 kynslóðinni).
Fjölskylduhagir: Kvæntur Elvu Björk Guðmundsdóttur, Arnar Þór, Frímann Viktor, Sveinn Rúnar, Ingi Sigþór og Róbert Smári heita drengirnir.
Starf / nám: Pulsusali og pólitíkus.
Bifreið: Toyota Hilux 1992 , svo á Elva alveg magnaðan Citroen C5, sannkallað tækniundur.
Hestöfl: Alltof fá í Toyotunni.
Hvað er í deiglunni: Efna loforðin og skreppa í Langá.

rabb-a-babb 47
 
Hvernig hefurðu það?
Ég hef það alltaf gott, þoli ekki væl um annað.

Hvernig nemandi varstu?
Ágætur held ég en félagslífið tók alltaf mikinn tíma.

Hvað er eftirminnilegast frá fermingardeginum?
Permanentið, skil ekki hvernig mamma gat gert mér það. Enda hef ég verið með gel síðan.

Hvað ætlaðir þú að verða þegar þú yrðir stór?
Framsóknarmaður og viti menn...

Hvað hræðistu mest?
Pillur, held þetta sé allt plat.

Hver var fyrsta platan sem þú keyptir (eða besta)?
Örugglega eitthvað með Geira eða Queen.

Hvaða lag ertu líklegastur til að syngja í Kareókí?
Hef bara sungið eitt ? Love Me Tender með Elvis og fékk mikið klapp frá grúppíunum. Reyndar voru þær flestar yfir sjötugt.

Hverju missirðu helst ekki af í sjónvarpinu (fyrir utan fréttir)?
Liverpool og Kastljósinu.

Besta bíómyndin?
A fish called Wanda get alltaf helgið að henni. Einnig eru myndir Monty Pyton magnaðar.

Bruce Willis eða George Clooney / Angelina Jolie eða Gwyneth Paltrow? 
Ekki góð blanda, hefði kosið John Cleese og Robin Williams ásamt Jamie Lee Curtis og Reneé Zellweger.

Hvað fer helst í innkaupakörfuna sem ekki er skrifað á tossamiðann?
Eitthvað sætt...handa strákunum.

Hvað er í morgunmatinn?
Herbalife eða ekkert. Hef yfirleitt ekki list á öðru fyrr en um hádegið.

Uppáhalds málsháttur?
Oft lætur bensínafgreiðslumaður dæluna ganga. Björn Björnsson skellti þessu á mig eftir framboðsræðu.

Hvaða teiknimyndapersóna höfðar mest til þín?
Grettir , því hann er svo áhyggjulaus.

Hvert er snilldarverkið þitt í eldhúsinu?
Fá snilldarverk þar, reyni að vera heima á matartíma og þvælast ekki fyrir í eldhúsinu.

Hver er uppáhalds bókin þín?
Álftagerðisbræður. Fyrsta og eina ritverk Björns vinar míns. Næst hlýtur hann að skrifa um Daltonbræður. Enda um svipað efni að ræða.

Ef þú gætir hoppað upp í flugvél og réðir hvert hún færi, þá færirðu...
...í sólina á Benidorm með fjölskylduna. Þar fáum við besta fríið.

Hvað fer mest í taugarnar á þér í fari þínu?
Stundvísin. Ég er mjög upptekinn af því að vera stundvís. Svo þegar það tekst ekki þá verð ég afar pirraður.

Hvað fer mest í taugarnar á þér í fari annarra?
Óheilindi og óstundvísi þoli það ekki.

Enski boltinn - hvaða lið og af hverju?
Fékk bol með Liverpoolmynd þegar ég var lítill, auk þess sem Björn hélt með þeim. Annars held ég að þetta sé í blóðinu eins og flokkurinn.

Hvaða íþróttamanni / dómara hefurðu mestar mætur á? 
Eyjólfi sem íþróttamanni enda hefði hann orðið frábær í hvaða íþrótt sem er. Dómarinn er pabbi, DV sagði hann og Rafn Hjaltalín hlutdrægustu dómara landsins!

Heim í Búðardal eða Diskó Friskó?
Diskó Friskó. Við Barlómar (það er körfuknattleikslið brottfluttra Skagfirðinga í Reykjavík) sungum með Helgu Muller á Hótel Íslandi. Hún bað reyndar ekki um þann félagsskap.

Hver var mikilvægasta persóna 20. aldarinnar að þínu mati?
Engin ein persóna, en Bill Shankly var magnaður.

Ef þú ættir að dvelja aleinn á eyðieyju, hvaða þrjá hluti tækirðu með þér? 
Veiðistöng, Liverpool treyjuna og rúmið mitt. Ég á alveg ótrúlega gott rúm.

Hvað er best í heimi?

Fjölskyldan

Til baka

BILUÐ PLATA 34/2009
Hinn ágæti Hannes Hólmsteinn fór mikinn í morgunógleði Ríkisútvarpsins á dögunum, ræddi þar kreppuna og kepptist sem fyrr við að verja Davíð Oddsson. Hannes var eins og biluð plata sem hjakkaði í sama farinu... enginn sá þetta fyrir, nema Davíð Oddsson auðvitað, meira að segja ég sá þetta ekki... og svo framvegis. Nú má auðvitað deila um það hvort Hannes hafi rétt fyrir sér en mikið óskaplega var þessi bilaða plata þreytandi og leiðinleg til lengdar og nokkuð ljóst að orð Hannesar hafa örugglega gert Dabba karlinum meira ógagn en gagn.
::meira
EKKERT LJÓS Í MYRKRINU? 33/2009
Herra Hundfúll er ekki hrifinn af myrkrinu. Hann hefur heyrt því fleygt að í stóru kreppunni á síðustu öld hafi bæjarbúar skotist milli húsa í myrkrinu lamaðir af myrkfælni. Nú í vikunni hefur verið dimmt á kvöldin á Króknum, enda þungt yfir og rigning, en í götunni sem Hundfúll býr í og í næsta nágrenni hafa ekki verið ljós á ljósastaurunum. Hvort það þykir við hæfi hjá sveitarfélaginu og Rarik í núverandi kreppu að hverfa til myrkurs stóru kreppunnar skal ósagt látið en það er hálf undarlegt að ekki sé haft ljós á ljósastaurunum þegar kvöldin eru orðin svört af myrkri. En kannski er þetta sparnaðarráð í kreppunni?
::meira
LITTLE BOOTS >> NEW IN TOWN >> 33/2009
Það hafa ekki verið neitt stórmerkilegar melódíurnar sem sest hafa á heilann þetta sumarið og sumarsmellirnir frekar fjörlitlir. Hér skal þó mælt með einu lagi sem getur alveg límt sig á heilann. Victoria Hesketh sem kallar sig Little Boots hefur verið að gera það gott með lagið New In Town. Flott lag.
::meira
GRAN TORINO 33/2009
Gran Torino er sögð síðasta myndin sem Clint Eastwood leikur í. Í raun er um lágstemmda mynd að ræða, Clint leikur leiðinda karlskarf sem þolir hvorki nágranna sína eða fjölskyldu. Hann er nýbúinn að missa konuna sína en honum að óvörum reynast Kóreubúarnir í næsta húsi vera hið vænsta fólk og með þeim tekst vinátta. Nágrannarnir lenda upp á kant við hverfisklíkuna og þá tekur sá gamli málin í sínar hendur. Eastwood er í hörkustuði og töffararnir verða ekki svalari en hann. Stjörnur ****
::meira
JÖKULSÁRLÓN TEKIÐ VIÐ SEM DÝPSTA VATN ÍSLANDS >> 1. júlí
Rosalega hlýtur Öskjuvatn að vera svekkt?
::meira
HIÐ SKELFILEGA VUVUZELA >> 26/2009
Útlit er fyrir að Vuvuzela-trompetinn muni ógna geðheilsu fótboltaáhugamanna næsta sumar. Þeir sem fylgst hafa með útsendingum frá Álfukeppninni í knattspyrnu ættu að vera farnir að átta sig á þessu skelfilega vopni Afríkumanna. Höddi Magg hitti naglann á höfuðið þegar hann lýsti þessu skelfilega hljóði sem trompetarnir mynda við suðið í býflugum í þúsundasta veldi. Margir vilja banna vopnið en eins og staðan er í dag er það ólíklegt.
::meira
© Nżprent ehf SKAGAFJÖRÐUR.COM ER KEYRÐUR Á SMALA XL